الرئيسية
من طرف Admin السبت يناير 14, 2012 12:17 am
ازيكم يا شباب
فى الاول انا دخلت الفيلم يوم نزوله
وكتبت التوبيك دة اول مارجعت بس نزلته متأخر
دلوقتى لان يوم نزول الفيلم كتيت التوبيك وتعبت مقدرتش انزله
لان طول اليوم كنت خارجة وختمت بالفيلم يعنى كنت تعبانه جدا
وامبارح كنت مشغوله فى عمروسلمى وحكايه التسريب دى اوى معلش
فنزلته انهاردة يعنى كل الكلام الجاى دة من يومين
الحمد لله بعد معاناه لسه واصله بيتنا الساعه 12 بليل اهو
واقفه قدام السينما من الساعه 4
وملقتش تيكتات ولفيت على 3 سينمات اة وحياه ربنا كل واحدة ابعد من التانيه
ومفيش كلو حاجز لحد حفله 9 وفيه اللى حاجو فى 12
وفيه ناس كانت جايه عشان تحجز حفله 3 الفجر
هيروحوا بيوتهم امته دول
يلا مش اشكالبس الحمد لله لقينا 4 اماكن
فى حفله 9
ليا انا وصحابى اينعم كانوا فى الاول خالص ودماغى اتشلت انا وصحابى
باصين لفوق لما جالى هبل فى العمود الفقرى خلاص
مش قادرة احرك رقبتى لناو
وكله بيجى من 4العصر زيى يدور فى حفله 6 ملقاش يحجز لحفله 9
وانا وصحابى مش عارفين نحجز والله لقينا الاماكن بتعاعتنا بعد عناء
اولا
الاقبال غريب من الشباب بالذات
مع ان عندنا الشباب كتير منهم بيكرهوا تامر
كتير جدااااا وصحابى دخلونى انا
اللى احجز التيكتات عماله اخد بوكس فى وشى والاقى رجل حد بقت فى ركبتى
او دراع حد فى عينى لما اتبهدلت خالص
كنت شبه رامز جلال فى الباشا التلميذ
ثانيا
السنمات كل الافلام اللى
فيها والله والله وبحلف مفيش ولا
بنى ادم واقف غير على فيلم عمروسلمى 3 ولاحد واقف
على بركينج داون ولا واحد صحيح ولا اى حاجة
الفيلم الناس واقفين عليه بيقفلوا الشوارع والله
الحاجة الرخمه اللى لاحظتها ويا ريت مننفذهاش
خوفا على الفيلم وقصته
ان كل اللى بيطلع بيحرق الفيلم
وبيقول كل اللى فيهودة مينفعش
امال الناس هتخش ليه
ارجوكم ارجوكم
محدش يحكى قصه الفليم لاى حد انشالله لو اخوك حتى
دة لمصلحه تامر اولا واخيرا
ثانيا الامتحانات مأثرة فعلا على الاقبال شويه
لانى لما نزلت ساعه نور عينى كان العدد اكترمن كدة
بكتير لكن العدد اللى شوفتوا فى كذا سسينما حلو جداااااااا
ثالثا
اقبال غريب بردة من الامهات
لقيت كذا ست كبار يعنى فى الاربعينات او الخمسينات كانوا
معايا فى السينما ودى حاجة مش بتحصل غير مع تامر فقط
بس المرة دى الامهات كانوا كتير عن نور عينى
يعنى الفيلم مش عليه اقبال من الشباب والبنات بس
زى ما بيتقال
رابعا بقى
سعر التيكتات
السينمات بتختلف والله يعنى فى اليكس بنت خالتى دخلت بـ 20
انا دخلت ب 30
وفيه سينمات بتدخل ب 40 ودى مبتحصلش غير مع اتنين بس وهما
احمد حلمى و تامر حسنى
بيغلوا الافلام بتاعتهم عشان فيه اقبال عليها كبير ودة اللى عرفته
من واحد جوة سينما مشهورة فى وسط البلد
بدون ذكر اسماء
هتلاقوا سينمات ب 15 و ب20 وب 25 وب30
انما اللى ب 40 قليلين اوى
خامسا بقى
ردود الافعال حوالين الفيلم
مسبتش الناس طبعا الاول اول لما دخلنا القاعه
كله مستنى تامر اول ما ظهر كله تنح كانهم مصدقوا يشوفوا تامر
كل الناس كانت بتضحك لان الفيلم كوميدى بشكل رهييييييييب
وكمان بقى لاميتا فرنجيه اول ما ظهرت
يا صلاه النبى احسن
وربنا وربنا نص الشباب اللى فى القاعه اتكلموا
اللى يقول يا بختك يا تامر
واللى يقول يخربيت حلاوتك
واللى يقولهما جابوا الموزة دى منين
اول ما ظهرت كل الشباب ركزوا معاها
البت دى عامله ايه بس للناس عندنا فى مصر دى شهرتها عدت شاكيرا
سادسا بقى
الفيلم مش عايزة احرقه بس الفيلم
لذيذ جدا مع التحفظ على بعض الحاجات لكن
فيلم حلو فعلا يا جماعه
وعايزين الكل يخش
عايزين اعلى ايرادات زى كل سنه
ونصيحه اخويه بقى يا شباب انزلوا قبل معاد الحفله بساعتين على الاقل
عشان متتبهدلوش زيى كدة وسلامو عليكو عشان انام عشان جسمى متكسر
ومعلش مصورتش السينمات لانى مقدرتش اصور والدنيا زحمه
بس ان شااااااااااء الله هخش الفيلم تانى الاسبوع
الجاى باذن الله اوفى اجازة نصف السنه
وهصورلكوا كل حاجة متقلقوش
تقى
